Hadihady - Ankasomparana tsotra izao !

Tsy mahafaly ny mpanao politika sasany sy ireo tia miakin - doha amin’ ny any ivelany mihitsy ny fanapahan - kevitra noraisin - dRajoelina hanao ity atrikasa « Teny ifampierana » manomboka androany ity. Atao daholo izay hamohazana sy handrangitana ireo antokon’ olona na mpitandro filaminana hanao fihetsiketsehana hoentina hanehoana ny tsy fankasitrahana azy ity. Tsy tongantonga ho azy mantsy ireny zava - miseho ireny fa tena ankasomparana tsotra izao. Tsotra anie ny vahaolana raha misy ny fitakiana atao mandritra izao krizy politika izao raha tena tia Tanindrazana marina. Efa misy ny sehatra ahafahana miady hevitra sy ifampierana amin’ ny fikatsaham - bahaolana mandritra ny roa andro manomboka androany. Mandray anjara amin’ io « Teny ifampierana » io dia any no haroso ny hetaheta tiana ho tanterahin’ ny mpitondra ao anatin’ ny Tetezamita,  dia ampy izay. Ny mpanao politika na karazam - pikambanana mandray anjara amin’ io atrikasa io dia azo hampitondraina izay. Rehefa tapaky ny besinimaro fa azo tanterahina izay,  dia arahaba soa arahaba tsara. Raha toa kosa tsy lany dia izany no antsoina hoe : demokrasia. Ny zava - misy mantsy dia ankasomparana tsotra izao no kendren’ ny sasany hatao. Tampoka teo dia nilaza ny hery vonjy taitran’ ny zandarimaria fa : « manome 24 ora hamoahana ny vokatry ny famotorana ilay raharaham - bola 2, 5 miliara Ariary ». Nahoana no natao nifanandrify tamin’ ny fanombohana ilay atrikasam - pirenena izany fitakiana izany ? Misy ambadika ao. Raha tena misy marina ny fitiavan - Tanindrazana , dia azo nahemotra kely izany. Noho izany dia taratry ny ankasomparana ihany izany.