Roland Ratsiraka - “Tsy ilaina intsony izany fitokonana faobe izany”

izay tarihin'ny Hery miara-dia Mitaky ny Demokrasia eto Toamasina, no andro nanehoan' ireo mpitokona ny fihetsiny ka nanakatonana ny biraom-panjakana ary nandravana ny sekoly rehetra, indrindra ireo sekoly nanakaiky ny kianjan'ny lisea teknika. Fihetsika tsy nankasitrahan-dRoland Ratsiraka izany ka nahatonga azy namory mpanao gazety tao amin'ny birao fiasany etsy amin'ny orinasany,  ny talata tamin'ny 11 ora antoandro. Nilaza izy fa amin'ny maha filoha nasionalin'ny antoko Malagasy Tonga Saina azy ary amin'ny maha Ben'ny tanànan' i Toamasina azy teo aloha no hanaovany fanambarana. " Manoloana ny asa fandrobàna sy fampitahorana  ireo mpivarotra sy ny orin'asa ary ny fampianarana na ny miankina na ny tsy miankina amin'ny fanjakana,  dia ambarany fa efa miroso amin'ny fandresena ny tolona hametrahana ny demokrasia, izay tarihin' i Andry Rajoelina amin' izao fotoana izao, koa tsy fotoanan'ny fanaovana fitokonana faobe intsony izao, raha ho an' i Toamasina manokana",  hoy ny filoha nasionalin'ny Mts.
Nambarany fa efa vita ny tolona ary kely sisa ka aleo hoy izy hianatra am-pitoniana ny mpianatra, hiasa ny mpiasa ary hivarotra am-pilaminana ny mpivarotra.