Fandrobana orinasa - Nirefotra ny basy, fito lahy voasambotra

Araka ny fanangonam-baovao azo, dia lehilahy  manodidina  ny 20 teo, no nanao izao asa ratsy izao. Nanao tifi-danitra hampijanona azy ireo ny miaramila, ka ny fito lahy tamin’izy ireo no nijanona  sy nanangan-tanana,  ny ambiny kosa tafaporitsaka. Taorian’ny fandrobana niseho tamin’ireo tranombarotra sy orinasa teny amin’iny faritra manodidina iny, dia tsy tapaka mpitandro filaminana miambina eny amin’ny manodidina. Teto dia izy ireo efa nitatitra ireo karazana vy sy fitaovana fanamboarana trano vao tratra.

Raikitra ny fifanenjehana tanaty haizina tany an-tanimbary tamin’io ora io. Niparitaka tany anatin’ny tanimbary noho izany ireo fitaovana norobaina ireo. Araka ny fanampim-panazavana azo, dia efa tafavoaka mialoha ireo entana,  ka teo am-pitaterana izany ry zalahy no izao tra-tehaka  izao. Vao nipoaka  ny poa-basy dia samy nanao tongotra an-katoka tamin’ny fandosirana ireto farany. Ny fito voatazona  , ny ambiny kosa mbola mitohy ny fikarohana ataon’ny miaramila. Tsy nahasakana  ireto mpandroba  hanao ny asany ny fisian’ny toby miaramila tsy lavitra io orinasa voaroba io. Anisan’ireo orinasa efa lasibatry ny fandrobana ity orinasa ity  tamin’ny 27 janoary, dia izao tratra izao indray.