Mangatany Arivonimamo - Lehilahy notifirin ’ ny andian - jiolahy

Raim - pianakaviana iray no naratra mafy vokatry ny tifitra nahazo azy. Norobain’ ny jiolahy avy eo ilay tokantrano ka very tamin’ izany ny lelavola mitentina iray hetsy Ariary. Lasa tamin’ izany ihany koa ny finday miisa roa sy ny lektera Cd iray. « Nanao andiany mihitsy izy ireo tamin’ io fotoana io. Ny iray tamin’ izy ireo dia nitondra basy lava. Vao tafiditra tao an - trano ireto jiolahy ireto, dia niezaka nanohitra ilay tompon - trano. Avy hatrany,  dia tifitra no nasetrin’ ireo jiolahy ireo,  ka voa avy hatrany teo amin’ ny sorok’ ity rangahy iray ity. Taorian’ izay no nandraofan’ ireo olon - dratsy ny vola sy ny entana mora bataina rehetra », araka ny fanazavana azo mikasika ity fanafihana ity. Avy hatrany dia nidina tany an - toerana ny zandary sy ny polisy ao Arivonimamo. Taorian’ ny fizahana ifotony, dia nahitana taim - balana « Kalach » miisa roa, izay vao avy nampiasain’ ireo jiolahy.  Ankoatra izay, dia tratra tamin’ izany ihany koa ny « fer rond » mirefy 10 metatra miisa roa, fampiasan’ ireo jiolahy amin’ ny vaky trano ary fanalahidy « vachette » miisa dimy sy jiro fanao am - paosy iray. Maty vokatry ny poizina nomen’ ireo jiolahy ihany koa ny alika tao amin’ ilay tanàna. Mbola nahitana hena nisy poizina teny an - tokotany tamin’ io fijerena ifotony io.